Паян, декабрĕн 14- мĕшĕнче, Чупай  каччи Александр  Линга  Афганистан  çĕрĕ  çинче   паттăррăн  пуç  хунăранпа 37 çул  çитрĕ. 6-мĕш  класра  вĕренекенсем  шкул музейĕнче  пулчĕç. Кунта  Александр Лингана  халалласа  паттăрлăх  кĕтесĕ  ĕçлет. Кунта  Сашăн  çырăвĕсем,  сăнÿкерчĕкĕсем, çар  тумĕсем  упранаççĕ. Пирĕн  умра  кĕсьене чиксе  çÿремелли  пĕчĕк  çеç  календарь. Александр служба  иртнĕ  кунсене туртса  пынă. Декабрĕн 14- мĕшĕ тап-тасах. Шăпах  çак кун пирĕн  Саша  пурнăçран  уйрăлать. Вĕренекенсем  вăл  çырнă  çырусене  вулаççĕ те куç  умĕнче  мал  ĕмĕтлĕ хастар  çамрăка  кураççĕ.

- Яланах асра  тытатпăр сана, Саша,- теççĕ Чупай  шкулĕнче  вĕренекенсем.