Чупайри тӗп шкулта вӗренекенсем шкул  ҫумӗнчи "Хӗвелпи" ача сачӗпе туслӑ ҫыхӑну тытаҫҫӗ. Ҫуркунне чечек йӑранӗсене майлама, хӗлле сырӑшсем туса ҫакма пулӑшаҫҫӗ. Акӑ паян та шкул театрӗн артисчӗсем, 4-5-мӗш класра вӗренекенсем, ача садне хӑнана килчӗҫ. Пӗчӗк туссем артистсене савӑк кӑмӑлпа кӗтсе илчӗҫ. Ҫамрӑк артистсем Иван Яковлевич Яковлев ҫырнӑ "Сармантей", "Лаша шырани" калавсене ача сачӗн сцени ҫинче выляса кӑтартрӗҫ. Мӗнле тулли кӑмӑлпа, савӑнӑҫлӑ куҫпа пӑхса ларчӗҫ пӗчӗк туссем! Артистсемпе пӗрле калаҫрӗҫ, савӑнчӗҫ. Юлашкинчен асӑнмалӑх сӑн ӳкерттерчӗҫ.