Паян, ака уйӑхӗн 24-мӗшӗнче, районта шкул театӑрӗсен "Асам" фестивалӗ иртрӗ. Театр вӑл - асам тӗнчи. Ачасем ҫав тери сцена ҫинче выляма юратаҫҫӗ. Чупайри тӗп шкулта вӗренекенсем И. Я. Яковлев ҫырнӑ "Сармантей" юмаха питӗ юратса выляса кӑтартрӗҫ. Хӑйсен ролӗсене куракансене кӑмӑла каймалла сӑнарларӗҫ. Сӑнарсен костюмӗсене те хӑйсемех ҫӗлерӗҫ, ӳкерчӗҫ. Чӑх рольне 6- мӗш класра вӗренекен Яковлева Милена вылярӗ.Чӑн-чӑн чӑх пек выляса савӑнтарчӗ. Сармантей сӑнарне 6- мӗш класра вӗренекен Васильев Миша сӑнарласа кӑтартрӗ. 5-класс артисчӗсем те тӗлӗнмелле маттур вылярӗҫ.Чӑн-чӑн асам тӗнчи.