Нарӑс уйӑхӗн 28- мӗшӗнче муниципалитет шайӗнчи  "Упрар тӑван чӗлхемӗре" оратор ӑсталӑхӗн конкурсӗ иртрӗ.Конкурса шкул ачисен монолог тата диалог формипе чӑвашла калаҫас ӑсталӑхне туптас, халӑх умӗнче калаҫас хӑнӑхӑва аталантарас тӗллевпе ирттереҫҫӗ. 

Конкурса Вӑрмар муниципаллӑ округӗн вӗренӳ организацийӗсен 5-6-мӗш класӗсенче чӑваш чӗлхи вӗренекен ачасем хутшӑнчӗҫ. Конкурса хутшӑнакансен  ҫак темӑсемпе тухса калаҫмалла пулнӑ:

"Тавах сана, вӗрентекенӗм",

 "Ачалӑх— телейлӗ тӗнче",

 "Тӑван енӗм паттӑр ҫынсемпе пуян" .

 Чупайри тӗп шкулта 6- мӗш класра вӗренекен Яковлева Милена "Ачалӑх- телейлӗ тӗнче" темӑпа тухса калаҫса ҫӗнтерӳҫӗ пулса тӑчӗ. Вӑл ачалӑх илемӗ ҫинчен туллин, куракансене ӗнентермелле каласа кӑтартрӗ. Жюри хаклав критерисене шута илсе пӗтӗмлетӳ турӗ. Яковлева Милена пӗрремӗш вырӑн йышӑнчӗ. 

Маттур, Милена!