Чăваш Республикин вĕренÿ институчĕ йĕркеленипе 2022 çулхи кăрлачăн 12–24-мĕшĕсенче П. Хусанкай поэт çуралнăранпа 115 çул çитнине халалласа вĕрентекенсемпе вĕренекенсен пултарулăхĕн «Хусанкай вулавĕсем – 2022» регион фестивалĕ иртрĕ.

Конкурса хутшăнакансем хăйсен пултарулăхне Петĕр Хусанкайăн сăввисене вуласа ÿкернĕ видеороликсем хатĕрлесе кăтартрĕç.

Пирĕн шкултан ҫак конкурса 7-мĕш класра вĕренекен София Петрова хутшăнчĕ (руководителĕ Цыфаркина Л.А.).

Конкурса хутшăнма Людмила Александровнăпа София поэтăн «Кăвакарчăн» ятлă сăвăлла юмахне суйласа илчĕҫ. Хĕр ача П. Хусанкайăн ҫак произведенири шухăш-кăмăлне ăнланса, ăна итлекене витĕмлĕн кăтартса пама пултарчĕ, призер ятне ҫĕнсе илчĕ.

Маттур, София! Малашне те сана ăнăҫусем сунатпăр.