Нарăс  уйăхĕн 19 – мĕшĕнче  Пĕтĕм халăхсем  хушшинчи  тăван  чĕлхе  кунне  халалласа  8-9- мĕш   классем  хушшинче  «Тăван  чĕлхе  -  чи  хитре  чĕлхе» ятлă  савăнăçлă  мероприяти  иртрĕ. Истори  предметне  вĕрентекен Петрова Надежда  Геннадьевна  ку уява  ЮНЕСКО  палăртнă тарăх 2000 çултанпа  уявлани  çинчен  презентаципе каласа  кăтартрĕ.

Паянхи  кун  тĕнчере   çичĕ  пин  чĕлхе  шутланать. Пурнăç  малалла  кайнă  май  вĕсенчен  çурри  пĕтме  пултарать  тесе  палăртаççĕ ăсчахсем. ЮНЕСКО  шутланă  тарăх  Раççейре  136  чĕлхе  пĕтме  пултарать, вĕсенчен  паянхи  кун 20  чĕлхе вилнисен  шутĕнче.

Малалла  чăваш  чĕлхипе  литературине  вĕрентекен  Цыфаркина  Людмила  Александровна  8-9 классем  хушшинче   вăйă  ирттерчĕ.  Вĕренекенсем  тем  тĕрлĕ  кăткăс  ыйтусемпе  ĕçсем  пурнăçларĕç.

– Пирĕн  тăван  чĕлхе – чи  хитре  чĕлхе,  – пĕтĕмлетрĕç  вĕренекенсем.