2018-мĕш  çул  виçĕ  пысăк  пулăма  пĕрлештерсе  тăрать.  Халăх  педагогĕ  И. Я. Яковлев  çуралнăранпа  170  çул, Чĕмпĕр  чăваш  шкулĕ  уçăлнăранпа  150  çул,   К. В.  Иванов  çырнă  «Нарспи»  поэма 110  çул  тултарчĕ.  Çак  виçĕ  пулăма  чăвашсен  аслă  патриархĕ  И. Я. Яковлев  пĕрлештерсе  тăрать.

Чÿк уйăхĕн 27-мĕшĕнче  районти тăван ен музейĕнче Чăваш патриархĕ Иван Яковлевич Яковлев çуралнăранпа  170  çул тултарнине халалланă « Яковлев вулавĕ» наукăпа практика конференцийĕ иртрĕ. Ăна йĕркелекенĕ район администрацийĕн вĕрентÿпе çамрăксен политикин пайĕ тата чăваш чĕлхипе литературине вĕрентекенсен Ассоциацийĕ. Конференцие 5-мĕш класран пуçласа 11-мĕш класра вĕренекенсем таранах хутшăнчĕç. Конкурса хутшăнмалли темăсем çаксем пулчĕç:

Вырăс  класĕсем валли:

1.      Иван Яковлевич Яковлев тата Чĕмпĕр шкулĕ.

2.      Патриархăн кун - çулĕпе ĕçĕ- хĕлĕ.

Чăваш шкулĕсем валли:

1.Иван Яковлевич Яковлев тата чăваш литератури.

2. Иван Яковлевия Яковлев художниксен куçĕпе.

3. Иван Яковлевич Яковлев  ĕçĕ- хĕлĕн пĕлтерĕшĕ.

Чупайри тĕп шкулта 8-мĕш класра вĕренекен Иванова Анна Вăрмар районĕнче çуралса ÿснĕ Николаева Акулина Николаевна пурнăçĕпе паллаштарчĕ. Акулина Николаевна Чĕмпĕр чăваш шкулĕнче вĕреннĕ. Иван Яковлевич Яковлев йывăр вăхăтра хĕр ачана мĕнле пулăшу пани çинчен тĕплĕн каласа кăтартрĕ. «Изящество и мастерство» номинаци çĕнтерÿçи пулса тăчĕ.