Республикăра «Эсĕ суйланă професси» акци  пырать. Чупайри пĕтĕмĕшле  пĕлÿ паракан тĕп шкулта çак акцие хутшăнса тĕрлĕ мероприятисем  иртеççĕ.  Класс  сехечĕсем, 8-9-мĕш классенче вĕренекенсем  хушшинче мĕнле професси патне туртăм пуррине диагностика мелĕпе тишкертĕмĕр. Хальхи вăхăтра мĕнле профессисем ытларах  алла илмелли çинчен çавра сĕтел хушшинче сÿтсе яврăмăр.

Паян пирĕн шкула «Самант» редакторĕ Владимир Степанов тата республикăра  паллă фотокорреспондент Сергей Журавлев тĕл пулăва килчĕç. Сергей Журавлев ачасене фоторепортер профессийĕ çинче каласа кăтартрĕ.. Хăйĕн профессири ĕçĕпе презентаци туса паллаштарчĕ. Çак профессие ăçта вĕренме пулать, аслă вĕренÿ заведенийĕсем çинче чарăнса тăчĕ.

«Самант» редакторĕ Владимир Степанов 9-мĕш класра вĕренекенсенчен интервью илчĕ. Ачасем «Самант» журнала питĕ юратса вулаççĕ, çырăнса илме кăмăл тăваççĕ.