Паян шкулти 2-4-мĕш класра вĕренекенсем хушшинче «Ăслăран та ăсли» интеллект-шоу вăйă иртрĕ.

Ăмăрту тĕллевĕсем:

1.Вĕренекенсен тавракурăмне аталантарасси;

2.И.Я.Яковлев ятне ĕмĕр асра тытасси;

Вăйă пуçланас умĕн ачасем хăш тĕслĕ çула суйлассишĕн  тупăшаççĕ.

Хĕрлĕ çул- чи кĕски. Финала тухас текенĕн икĕ ыйтăвне те тĕрĕс хуравламалла. Тĕрĕс мар хуравласан, вăйăçă тухса ӳкет.

Сарă çул çинче - виçĕ ыйту. Пĕр ыйту çинче ача йăнăшма та пултарать, тепĕр этапа штрафланă очкопа куçать.

Симĕс çул çинче - тăватă ыйту. Икĕ ыйтăвĕ çине йăнăш хуравласан та штрафпа малалла куçăн.

2-4 мĕш класра вĕренекенсем питĕ тăрăшса вылярĕç. Вăйăçăсем пĕлмен ыйтусене куракансем хуравларĕç. Вăйă-ăмăртура  4-мĕш класра вĕренекен Анисимов Сергей çĕнтерчĕ.